|
|
TSINGORY MPANDIHY
Isan’ny voasikotra lalina ho an’ ny lehibe
ankehitriny asa-soratra navelan’Andriamatoa
Prosper Rajaobelina (1913-1975),
ka rariny tokoa raha velomina maso indray ho an’ny
taranaka hifandimby. Isan’ny santionany amin’izany
Tsingory sy ny tantaran’Ikoto sy Ikalo saika
lanin’i Rakakabe sy ny sary niaraka aminy.
|
.
|
Zazalahy tia dihy i Tsingory. Finaritra ery izy mitsinjaka sy mitoto rebika.
Indray andro, hono, nandalo ny lapan’ny mpanjaka I Tsingory, ka hitany ilay vorona tian’ny mpanjaka indrindra. Notorahany vato ilay vorona ka dangy tery. Natahotra ny mpianbina izy ka lasa nandositra nody. Nony tonga tany antrano dia nafenin-dreniny tao anaty horonan-tsihy.Tsielaela, indreto tamy ny iraky ny mpanjaka hisabotra azy. Tsy niditra ny trano izy ireo fa teo ambaravarana no nijoro sady nively aponga.
Hoy ny hirany:
“Tsy aty ve Tsingory izay ô?Tsingory re no tadiavinay
Tsingory namono vorona ô,
Voron’ny mpanjaka re!” |
|
Tsy nihetsika I Tsingory tao anaty horonantsihy fa efa nopeperan-dreniny
mafy. Bola nihira ihany ny iraka sady nantsoiny ny olona hitehaka.
“Aiza re I Tsingory ?Aiza re ny nalehany,
Fa midoboka re ny amponga,
Efa vory re ny kilonga?”
Nandre tehaka sy ny hira I Tsingory ka may
handihy, hany ka nikofokofoka izy tao anaty tsihy sady niteny hoe:
-“Tsy tantiko intsony… tsy tantiko intsony ry Neny!”-“Mangina
ianao, fa hovonoiny raha reny eo”, hoy reniny.Mbola nitohy ihany anefa ny
hira:
“Tsy aty tokoa ve I Tsingory?Manako foana re ny lamako,
Mitehaka tsy an-dihy e ny vahoaka,
Tsingory anie ka tsy hita ô!
Tsy nahatanty intsony , hono, I Tsingory ka nivoaka avy tao anaty
hotonantsihy. Nankeo afovoan’ny vahoaka izy dia nandihy nitoto tany sy
nisonenika. Faly loatra ny mpanjaka nahita ny dihiny ka niteny |
|
tamin’ny olona
hoe:-“Aza vonoinareo re I Tsingory, fa ataoko mpandihy any andapa! Dia tsy novonoina hono I Tsingory fa lasa mpandihy
malaza. Angano angano nefa mety tena marina ihany.
Izay no tantaran'i
TSINGORY, Soratra sy sary nalaina tamin'ny boky TSINGORY. nosoratan'i Prosper
RAJAOBELINA.
Samy manana ny filazany anefa ny lovantsofina. Fantatra ary fa Andriamanampanenitra
(nanjaka tao Imerina tamin’ny 1480 tany ho any ary rain’ny Mpanjakavavy
Rangita) no anaran’io mpanjaka io. Misy milaza fa tsy toraka no nahafaty ny vorona fa isankariva dia mankany ambodirova i Tsingory mifaninana mihira
aminy; reraky ny havizanana ilay vorona tamin’io hariva io ka torana. Misy kosa indray milaza fa tian’i Tsingory loatra ilay vorona ka niakarany ny tambohon’ny lapa hakany
azy; saingy voafehiny mafy loatra tao anaty lambany ka torana. Amin’ireo lovantsofina roa ireo nitambelona ny vorona nony nandre an’i Tsingory nampihirain’ny
mpanjaka. Ka ankira sy mozika no |
|
nodian’ny mpanjaka namonjy ny rova
...
suite
Cliquez-ici
Extrait
de http://www.ankizy.fr.gd/www.ankizy.fr.gd
-
|
