Edito : "Histoire ...Taloha fahagola ilay tanindrazako  "

    hafatra kely :" Mba tsapan'ny Malagasy amin'izao fotoana izao ve ny mety ho fiainany raha tsy nisy ny 29 mars 1947? dia mba misy na dia sombiny aza « sitraka » noho ilay rà latsaka ho ahy ? ho anao? ho antsika? Ve ao anatin’ny tsirairay amin’izao fotoana izao ? aiza ilay « hambo » sy ilay « rehareha » fa tena mendrika ilay tolona nahafaty ireo tia tanindrazana ho an’ny taranaka malagasy tsy ankanavaka ? aiza ka roa taona misesy amin'ity izao dia tsena be omen’ny fanjakana alalana ara-dalàna no hihazakazahan’ny maro amin’ny andron’ny 29 mars! izay tokoa ilay "Iarivo mandroso!" sa ilay « Iarivo miha-very fanahy maha-tia tanindrazana » ?"        

                Taloha fahagola ilay tanindrazako

                             Feno haravona, kalo sy ny dihy

                            Taloha fahagola ilay tanindrazako

                            Feno voninahitra, hasambarana, hatsaram-panahy

                            Taloha fahagola ilay tanindrazako

                            Feno olon-kendry mahay sy Ray aman-dReny

                            Taloha fahagola ilay tanindrazako

                            Feno voankazo, vary sy hazan-drano koa

                            Taloha fahagola ilay tanindrazako 

                            Feno loko maron’ny fahatsoran’ny fiainana.   

      Taloha fahagola ilay tanindrazako

           Feno fahankalana, ratram-po sy fahavalo

           Taloha fahagola ilay tanindrazako

           Feno mpamadika, mpialona sy olon-dratsy

           Taloha fahagola ilay tanindrazako

           Feno loko mena, mainty ho fisaonana

           Taloha fahagola ilay tanindrazako

           Feno gogogogo, kiaka sy ranomaso