L'Edito : «Tadidin’iky ve ? rony Krismasy tany Dago !...»

     Ho an'iky taty an-dafy efa ela ? Tadidin’iky ve irony Krismasy fahiny, fony mbola zaza tany Dago? ( ...mg )

     La boule de Noël qui décore les sapins est née à Meisenthal en Moselle.
     Traditionnellement, sur les sapins de Noël on accrochait des pommes mais en 1858, l'hiver fut si rigoureux qu'il n'y eut plus de pommes. Un artisan verrier eut l'idée pour donner quand même un peu de joie à la fête de créer des boules représentant une pomme et d'autres fruits. La boule de Noël était née. ( ...fr )

     At this time, Christmas Eve 2007, today we offer you to savor a " good Christmas turkey" in the Malagasy,  "Vorontsiloza sy Henakisoa" ... ( ...gb )

Rehefa migadona ny 24 desambra, ilay nadrasana ela :

       Vao maraina koa, dia efa somebiseby aoka izany ny fianakaviana. Fiomanana tsy misy hoatra izany ! Any an-tokatrano any dia efa voapasoka ny ankajo. Dia, toraka izany koa, ireo kojakoja isankarazany efa vita kalamina tsikelikely. Any am-piangonana, dia efa voatsangana mialoha sahady ny hazo Noely voahaingo sy voaravaka. 

       Tsindrian-daona dia tsindrian-daona ny rehetra ao an-tanàna, indrindra fa ny ankizy kely.  

      Maika sy tsy handry ery ny hamonjy sasakalina any am-piangonana, hanaovana ny tsianjery, ny hira ary ny saynety.

       Ny tena mahavariana ry iky, dia matetika iny maso mbola mikimpy sondrian-tory iny no tairina ny ankizy hanao pilia vava ny tsianjeriny, hihira ny hiran’ny Noely (anisan’ireny ny Avia ry mino/ Mihainoa, alina masina…) ary koa hilalao ny saynetyny !

      Rehefa vita ny tsianjery sy ny kilalao isankarazany dia tonga ny fizarana bonbon (vatomamy), efa vita fono mialoha. Mbola lafim-pifalian’ny ankizy gasy anankiray koa izany.     

Fifaliana tsy hay lazaina! Aoka fotsiny!

     Ny alin’iny ihany dia mailaka ery hijery ny atin- kiraro sao misy fanomezana avy amin’Ingahibe Noely!  

    Raha ny sakafo krismasy indray, indrindra fa ny laoka voaoman’i neny no asian-teny.Tadidin’iky ve?